Čałaviek zakapaŭ 15 tysiač jeŭra ŭ słoiku, a słoik skrali
48-hadovy žychar Minskaha rajona ŭ studzieni 2022 hoda vyrašyŭ schavać svaje źbieražeńni, kala 15 tysiač jeŭra, pad ziamlu. Jon pakłaŭ ich u šklany słoik, a słoik zakapaŭ u pamiaškańni pompavaj stancyi na terytoryi adnaho z sadovych tavarystvaŭ. A ŭ kancy lipienia padčas pravierki schovaniki vyjaviŭ, što słoik, a ź im razam i hrošy, źnikli, paviedamlaje Śledčy kamitet.
05.08.2022 / 16:36
Supracoŭniki milicyi razam sa śledčymi vyśvietlili, što da kradziažu datyčny 44-hadovy santechnik. Uviesnu, kali ŭ pamiaškańni pompavaj stancyi pravodzilisia ramontnyja raboty, jon znajšoŭ słoik, zabraŭ jaho i zakapaŭ u inšym miescy, užo na svaim učastku.
Minskim rajonnym addziełam Śledčaha kamiteta raspačataja kryminalnaja sprava pa č. 4 art. 205 (kradziež, učynieny ŭ asabliva bujnym pamiery) Kryminalnaha kodeksa Respubliki Biełaruś. Padazravany, jaki raniej da kryminalnaj adkaznaści nie pryciahvaŭsia, sam pakazaŭ miesca, dzie zakapaŭ hrošy.