У Вілейцы 17-гадовы скраў прадукты з крамы і ўцёк. Яго вылічылі па камерах, а ён вярнуўся назад
27 ліпеня хлопец, будучы нецвярозым, хацеў незаўважна выкрасці з крамы прадукты харчавання. Калі яго спрабавалі спыніць, ён збег разам з таварам.
04.08.2022 / 15:20
Ілюстрацыйнае фота
Як паведамляе «Шлях перамогі», хлопец паспрабаваў прайсці незаўважаным разам з прадуктамі міма касы, аднак касір крамы запатрабавала спыніцца і заплаціць за тавар. Хлопец уцёк з крамы разам з таварам.
Падчас прагляду камер відэаназірання хлопца вылічылі.
Прычым маладзён вярнуўся ў краму і паспрабаваў зноў скрасці прадукты і алкаголь. Але і тут ён пацярпеў няўдачу: быў заспеты работнікам крамы, а пры выхадзе затрыманы супрацоўнікам крымінальнага вышуку.