Brytanskaja raźviedka: Rasijskija vajskoŭcy chavajuć masty ŭ Chiersonie ad radaraŭ ukraincaŭ
Rasijskija siły, chutčej za ŭsio, raźmiaścili piramidalnyja radyjołakacyjnyja adbivalniki ŭ vadzie kala niadaŭna paškodžanych Antonaŭskaha mosta i čyhunačnaha mosta cieraz Dniapro ŭ Chiersonie, jakija znachodziacca pad rasijskim kantrolem, ličać u brytanskaj raźviedcy.
04.08.2022 / 10:46
Adbivalniki, vierahodna, vykarystoŭvajucca, kab schavać masty ad radaraŭ sapiernika i ŭskładnić naviadzieńnie rakiet.
Heta padkreślivaje pahrozu, jakuju Rasija adčuvaje z-za vialikaj dalnabojnaści i dakładnaści zachodnich artyleryjskich sistem, ličać brytancy. Bo z taho času, jak Ukraina atrymała amierykanskija sistemy załpavaha ahniu HIMARS, USU paśpiachova abstrelvajuć rasijskija bazy i važnyja kropki šlachoŭ zabieśpiačeńnia nakštałt mastoŭ na akupavanych terytoryjach.
Brytanskaja raźviedka adznačaje, što USU, chutčej za ŭsio, praciahvajuć hetyja ŭdary.