Ukrainskija ŭłady źbirajucca evakujavać z Danieckaj vobłaści 200 tysiač čałaviek. Abvieščanaja abaviazkovaja evakuacyja
Pra heta abviaściła vice-premjerka Iryna Vieraščuk u efiry telemarafonu. Jana zajaviła, što havorka idzie nie pra dobraachvotnuju, a mienavita abaviazkovuju evakuacyju.
30.07.2022 / 18:58
Vieraščuk rastłumačyła heta tym, što na tych terytoryjach vobłaści, jakija kantraluje Ukraina, razburanyja hazapravody, tamu aciaplać harady i vioski mahčymaści niama.
«Ciapła ŭ rehijonie ŭ zimovy pieryjad nie budzie. Kali čałaviek admaŭlajecca evakujavacca, jon pavinien budzie padpisać dakumient, što jon razumieje ŭsie nastupstvy i niasie adkaznaść za svajo žyćcio», — skazała Vieraščuk.
Pavodle jaje słoŭ, buduć evakujavanyja jak minimum 200 tysiač čałaviek.
Abaviazkovaja evakuacyja cyvilnaha nasielnictva moža być źviazanaja z vajennymi płanami Ukrainy pa tatalnym abstrele terytoryi ŭ vypadku dalejšaha rasijskaha nastupu ŭ Danieckaj vobłaści.