Biełarus prylacieŭ sa Stambuła ŭ Vilniu z šaściu čamadanami cyharet FOTA
Unutry było bolš za dzieviać tysiač pačkaŭ. Na što raźličvaŭ kantrabandyst i jak jaho z takim bahažom vypuścili ź Minska, niezrazumieła.
30.07.2022 / 16:21
24 lipienia mytniki zatrymali hramadzianina Biełarusi, jaki vioz kantrabandu na sumu bolš za 34 000 jeŭra. Mužčyna prylacieŭ u Vilniu ź Minska praz Stambuł. U kožnym z šaści jahonych čamadanaŭ było ŭ siarednim pa 1450 pačkaŭ biełaruskich cyharet, piša Delfi.
Usiaho mytniki naličyli 9148 pačkaŭ cyharet Queen Menthol, NZ Gold i Minsk Superslims.
Kantrabandysta zatrymali na dvoje sutak, a paśla vyzvalili — biez dakumientaŭ, pad padpisku ab niavyjeździe. Akramia taho, jamu taksama pryjšłosia ŭnieści hrašovy zakład.
Mytniki zaŭvažyli, što padobnyja «turystyčnyja» vajažy pa Zachodniaj Jeŭropie stali papularnyja ŭ apošni čas, takich pasažyraŭ łoviać i ŭ aeraportach inšych krain.