Palityčnyja začystki dabralisia da Pružanaŭ, niekalki čałaviek zatrymanyja
Pavodle niepaćvierdžanaj infarmacyi, usiaho ŭ Pružanach zatrymanyja čatyry čałavieki, pra dvuch viadoma dakładna, piša «Viasna».
29.07.2022 / 17:17
Praŭładnyja telehram-kanały paviedamlajuć pra zatrymańnie dyrektara šviejnaj firmy Siarhieja Vakulčyka. U «pakajannym videa» 45-hadovy mužčyna kaža, što byŭ zatrymany za toje, što na svajoj staroncy ŭ Adnakłaśnikach raźmiaściŭ fotazdymak ź niejkaj nie ŭpadabanaj siłavikami simvolikaj. Paviedamlajecca, što Siarhieju pryznačyli 15 sutak aryštu.
Taksama viadoma pra zatrymańnie byłoha śledčaha Maksima Kuroŭskaha. Jaho, pa papiarednich źviestkach, zatrymali za kamientaryi ŭ internecie.
Raniej byli praviedzienyja masavyja zatrymańni ŭ susiednich z Pružanami rajonnych centrach Bresckaj vobłaści — Drahičynie i Ivanavie.