Traktar u Voranaŭskim rajonie źbiŭ dvuch ravarystaŭ
Traktar źbiŭ dvuch viełasipiedystaŭ na darozie ŭ Voranaŭskim rajonie, paviedamili ŭ DAI UUS Hrodzienskaha abłvykankama.
28.07.2022 / 16:54
«Uviečary 27 lipienia na aŭtadarozie N-6627 Bieniakoni — Ślozki ŭ Voranaŭskim rajonie adbyłasia avaryja, u jakoj paciarpieli dva viełasipiedysty. 63-hadovy mužčyna za rulom traktara jechaŭ u napramku vioski Kanvieliški. Pry sustrečnym raźjeździe ź lehkavym aŭtamabilem jon źbiŭ 55-hadovuju žančynu i 56-hadovaha mužčynu, jakija jechali pa abočynie na rovarach», — raskazali ŭ DAI.
Mužčyna i žančyna z traŭmami dastaŭlenyja ŭ chirurhičnaje addzialeńnie miascovaj balnicy.