Žonka Zialenskaha vystupiła ŭ Kanhresie i paprasiła zbroi dla Ukrainy
Alena Zialenskaja, žonka ŭkrainskaha prezidenta Uładzimira Zialenskaha, vystupiła ŭ Kanhresie ZŠA i paprasiła vydzielić Ukrainie srodki SPA. Jana stała pieršaj žonkaj zamiežnaha lidera, jakaja vystupiła ŭ Kanhresie ZŠA.
20.07.2022 / 23:50
«Ja ciapier prašu reč, jakuju nikoli b nie chacieła prasić. Ja prašu ŭ vas zbroju. Zbroju nie dla taho, kab nieści vajnu na čužuju ziamlu, a kab abaranić svoj dom i prava pračynacca ŭ im žyvymi. Ja prašu ŭ vas sistemy supraćpavietranaj abarony, kab rakiety nie zabivali dziaciej u ich kalaskach. Kab jany nie razburali dziciačyja pakoi i cełyja siemji», — skazała jana.
Alena Zialenskaja zaklikała amierykanski narod dapamahčy spynić teror suprać ukraincaŭ, zajaviŭšy, što heta «budzie našaj ahulnaj vialikaj pieramohaj u imia žyćcia, svabody i imknieńnia da ščaścia kožnaha čałavieka i kožnaj siamji».