Ministr abarony Ukrainy: U bajach za Sievieradanieck i Lisičansk USU źniščyli 11 tysiač rasijskich vajskoŭcaŭ
Ministr abarony Ukrainy Alaksiej Reźnikaŭ zajaviŭ pra toje, što Uzbrojenyja siły Ukrainy źniščyli 11 tysiač rasijskich akupantaŭ padčas bajoŭ za Sievieradanieck i Lisičansk, vystupajučy pa videasuviazi ŭ amierykanskim analityčnym centry «Atłantyčnaja rada».
19.07.2022 / 22:17
Pavodle Reźnikava, było likvidavana kala 2-3 tysiač sałdat armii t.zv. «ŁNR « i 8-9 tysiač — z US RF. Taksama bolš za 20 tysiač rasijskich sałdat nibyta atrymali ranieńni, a ź ich kala 6,5 tysiač — ciažkija traŭmy z amputacyjaj kaniečnaściaŭ.
Taksama Reźnikaŭ prapanavaŭ zachodnim partnioram testavać svajo ŭzbrajeńnie ŭ realnych umovach vajny va Ukrainie:
«Ja dumaju, dla našych partnioraŭ u Polščy, ZŠA, Francyi, Hiermanii ci dla našych tureckich partnioraŭ heta dobry šaniec pratestavać ich uzbrajeńnie. Tamu davajcie nam instrumienty, my skončym pracu i ŭ vas budzie novaja infarmacyja (ab pracy zbroi)».