У Віцебску затрыманы ксёндз Андрэй Вашчук

Сёння ў Віцебску быў затрыманы ксёндз Андрэй Вашчук, пробашч парафіі Святога Духа ў Віцебску, паведамляе тэлеграм-канал «Хрысціянская візія».

15.07.2022 / 21:05

Фота: старонка парафіі ў VKontakte

Святару інкрымінуюць ч. 1. 23.24 (парушэнне парадку арганізацыі або правядзення масавых мерапрыемстваў).

Прычынай затрымання, па звестках Радыё Свабода, стаў, імаверна, рэпост «апошняга слова» Змітра Дашкевіча ў судзе.

Некаторы час святар знаходзіўся ў Першамайскім РУУС, пазней яго перавялі ў ізалятар часовага ўтрымання. Суд мае адбыцца ў панядзелак.

Чытайце таксама:

«У дзень сапраўднага суда вы нічога не дасцё за сваю душу». Магутнае апошняе слова Змітра Дашкевіча на судзе

Nashaniva.com