У Магілёве токам забіла электраманцёра
Электраманцёр з напарнікам праводзіў выпрабаванні абсталявання станцыі водазабору, калі яго ўдарыла токам.
14.07.2022 / 16:15
Днём 13 ліпеня 43-гадовы электраманцёр аднаго з прадпрыемстваў Магілёва разам са сваім калегам праводзіў выпрабаванні абсталявання станцыі водазабору. Пры правядзенні работ мужчыну ўдарыла электрычным токам. Ён атрымаў траўмы, несумяшчальныя з жыццём, паведамляе СК.
Паводле папярэдніх звестак, загінулы не выкарыстоўваў сродкі індывідуальнай абароны, якія неабходныя для такога віду работ (спецыяльны электраізаляцыйны абутак і пальчаткі). Варта адзначыць, што для правядзення выпрабаванняў выкарыстоўваецца электрычны ток у 50 тысяч вольт.
Па гэтым факце Следчым камітэтам праводзіцца праверка.