У Беларускага саюза жанчын новая кіраўніца — дырэктарка тэлеканала «Мір»
Старшынёй праўладнага Беларускага саюза жанчын абраная кіраўніца тэлекампаніі «Мір», а да гэтага галоўны ідэолаг краіны Вольга Шпілеўская.
12.07.2022 / 15:40
Фота: БелТА
Такое рашэнне прынятае на пасяджэнні праўлення Беларускага саюза жанчын, паведамляе БелТА.
Шпілеўская заявіла, што галоўная задача БСЖ — быць апорай і падтрымкай для краіны і кіраўніка дзяржавы
Паводле афіцыйных звестак, БСЖ аб'ядноўвае больш за 145 тысяч жанчын.
Да Шпілеўскай БСЖ узначальвала старшыня Камітэта па ахове здароўя Мінгарвыканкама, былая намесніца міністра аховы здароўя Алена Богдан.