Біятланісты Алімбекава і Смольскі возьмуць шлюб: яна сказала «так»
Дзінара Алімбекава апублікавала ў Інстаграме здымак заручальнага пярсцёнка, суправадзіўшы подпісам: «Я сказала так». Жаніх — біятланіст Антон Смольскі, які прынёс Беларусі свой першы медаль, срэбра ў індывідуальнай гонцы, на Алімпіядзе ў Пекіне.
09.07.2022 / 13:00
Пра тое, што біятланісты Дзінара Алімбекава і Антон Смольскі знаходзяцца ў рамантычных стасунках, было вядома даўно. Дзінара не аднойчы публікавала здымкі з каханым, а АНТ называла іх «парай года».
Фота з Інстаграма Алімбекавай.
Фота з Інстаграма Алімбекавай.
Раней Смольскі быў жанаты з іншай біятланісткай, Дар'яй Іерапес. Хадзілі чуткі, што сустракацца з Алімбекавай Антон пачаў яшчэ падчас папярэдняга шлюбу. Пры гэтым Іерапес мае ад Смольскага дзіця — дзяўчынцы, якую клічуць Аляксандра, у чэрвені споўнілася тры гады.
Па гэтай жа прычыне ў Алімбекавай мог узнікнуць і канфлікт з Ганнай Солай.
І Дзінара, і Антон раней падпісалі праўладны ліст за Лукашэнку.