У Бабруйску ў кар'еры патануў 14-гадовы падлетак
Трагедыя здарылася сёння, 7 ліпеня.
07.07.2022 / 18:39
Фота: МНС
Чацвёра дзяцей — родныя браты і сястра — пайшлі купацца на кар'ер. Каля 15.20 дзеці забраліся ў ваду. 14-гадовы хлопчык, адышоўшы ад берага каля пяці метраў, нырнуў, але на паверхні ён больш не з'явіўся, паведамляе МНС.
Дзеці пачалі ныраць і шукаць яго самастойна, але беспаспяхова. Шум і крыкі пачула жанчына, якая выклікала ратавальнікаў.
У 17.10 ратавальнікі знайшлі цела падлетка за тры метры ад берага і на трохметровай глыбіні і выцягнулі з вады.