Šajhu dałažyŭ Pucinu ab zachopie Łuhanskaj vobłaści
Rasijskija vojski «vyzvalili» Łuhanskuju vobłaść Ukrainy, paviedamiŭ prezidentu Rasii Uładzimiru Pucinu ministr abarony Siarhiej Šajhu.
03.07.2022 / 12:49
U pryvatnaści, jon prainfarmavaŭ ab zachopie horada Lisičansk, paviedamlaje vajennaje viedamstva.
Ukrainski bok pakul aficyjna nie pacvierdziŭ hetaje paviedamleńnie.
Ukrainskija krynicy jašče dniom u subotu, 2 lipienia paviedamlali, što horad pa-raniejšamu znachodzicca pad kantrolem USU. Pradstaŭnik Nacyjanalnaj hvardyi Ukrainy Rusłan Muzyčuk pierakonvaŭ: «Kala Lisičanska iduć žorstkija bai, ale horad pad kantrolem USU».
Lisičansk — apošni bujny horad u Łuhanskaj vobłaści, jaki zastajecca pad kantrolem ukrainskaj armii. Napiaredadni kiraŭnik Łuhanskaj abłasnoj administracyi Siarhiej Hajdaj u svaim tielehram-kanale raspaviadaŭ, što rasijskija vajskoŭcy «viaduć šturm naftapierapracoŭčaha zavoda, utrymlivajuć paŭnočna-zachodniuju i paŭdniova-ŭschodniuju jaho častki».