«Сістэма абароны Вялікага Княства Літоўскага ў XVI—XVII стагоддзях». Публічная лекцыя Міколы Волкава ВІДЭА
У канцы XVIII стагоддзя Рэч Паспалітая і Вялікае Княства Літоўскае зніклі з палітычнай карты Еўропы. Многія лічаць, што пасля гэтага дзяржавы былі слабымі і не маглі сябе абараніць, але гэта ўяўленні пазнейшага часу. Пра гэта ў Беларускім моладзевым хабе ў Варшаве, які з нядаўняга часу стаў ладзіць сустрэчы з беларускімі гісторыкамі ў рамках спецыяльнага праекта «Кава з гісторыкам», распавёў кандыдат гістарычных навук Мікола Волкаў.
26.06.2022 / 16:31
У XVI—XVII стагоддзях ВКЛ у барацьбе з суседкамі здолела выбудаваць сістэму абароны і ўтрымліваць свае межы падчас ваенных канфліктаў. Яна грунтавалася не толькі на замках і зброі ў іх арсеналах, але і на правах жыхароў памежных зямель.
Пасля Люблінскай уніі 1569 г. фактычна ўся сістэма абароны ВКЛ была сканцэнтраваная на беларускіх землях і залежала ад пазіцыі беларусаў, калі казаць сучаснай тэрміналогіяй. У гэтым была яе сіла і слабасць.