Hienijalny sposab abaranicca ad klaščoŭ, pra jaki vy nie čuli! Z dośviedu polskich leśnikoŭ
Siezon klaščoŭ, jakija pieranosiać niebiaśpiečnyja chvaroby, u samym razhary. Ich možna «padchapić» navat u horadzie. Paśla prahułki varta ŭvažliva ahladać svajo cieła i vopratku. Bliskučy sposab abaranicca ad niepažadanych «siabroŭ» pakazali polskija leśniki.
18.06.2022 / 09:10
Klaščy zvyčajna aktyŭnyja z sakavika pa listapad, a asabliva — u kancy maja—pačatku červienia i ŭ vieraśni. Žyvuć jany ŭ lasach, na łuhach i ŭ haradskich parkach. Taksama lubiać bałoty.
Heta značyć, što ŭvieś čas my pavinny być pilnymi i ŭvažliva ahladać svajo cieła i vopratku paśla prahułak na pryrodzie.
Važny i viadomy sposab paźbiehnuć ukusu klašča — pravilna apranucca. Kali vy źbirajeciesia ŭ les, lepš nadzieć doŭhija štany i zakryty abutak. Paśla kožnaj prahułki varta staranna praviarać, ci nie padchapili klašča.
Lesavody Karkanoskaha nacyjanalnaha parka pakazali efiektyŭny sposab pazbavicca ad klaščoŭ na našych rečach. Usio, što vam treba, heta valik dla čystki adzieńnia.
Jon nie tolki vydalaje pył i vors, ale moža sabrać z našaj vopratki i klaščoŭ, jakich my nieśviadoma prynieśli dadomu. Paśla prahułki prosta staranna ačyścicie svaje rečy.