Ukraina choča zabaranić pradavać na svajoj terytoryi knihi z Rasii i Biełarusi
U Viarchoŭnaj Radzie zarehistravany zakonaprajekt, jaki maje pastavić barjer rasijskim i biełaruskim kniham na terytoryi Ukrainy. Jahonymi suaŭtarami stali bolš za 50 deputataŭ z roznych frakcyj, u tym liku staršynia Viarchoŭnaj Rady i jaho namieśniki. Pra heta paviedamiŭ u Fejsbuku narodny deputat, były kiraŭnik ukrainskaha Instytuta nacyjanalnaj pamiaci Uładzimir Viatrovič.
13.06.2022 / 20:41
Meta dakumienta, pavodle Viatroviča — pierakryć upłyŭ «ruskaha śvietu» na ŭkrainskaje knihavydańnie i kniharaspaŭsiud jak zvonku, tak i ŭsiaredzinie krainy.
Zakonaprajekt praduhledžvaje zabaronu impartu knih z Rasii i Biełarusi, spynieńnie prodažu raniej uviezienych rasijskich knih, amal poŭnaja zabarona druku i ŭvoz tvoraŭ hramadzian Rasijskaj Fiederacyi. Pry hetym pra kłasikaŭ havorka nie idzie, tolki pra ciapierašnich rasijskich aŭtaraŭ.
U samoj Ukrainie knihi, pavodle zakonaprajekta, zmohuć vydavacca tolki na ŭkrainskaj movie, movach JeS i karennych narodaŭ Ukrainy (da ich naležać tolki krymskija tatary, karaimy i krymčaki). Na inšych movach (u tym liku na ruskaj) mohuć vydavacca aryhinalnyja tvory, ale nie pierakłady. Hetaja norma, na dumku Viatroviča, «zabłakuje płany «ruskaha śvietu» zachapić naš knižny rynak znutry».
Taksama, na dumku Viatroviča, «nie mienš važna pryniać narešcie ŭ druhim čytańni zakonaprajekt 6287 ab padtrymcy ŭkrainskich knižnych kramaŭ i vydaviectvaŭ. Spadziajusia, heta adbudziecca ŭžo na bližejšym plenarnym pasiadžeńni».