Biełaruskija školniki buduć zdavać mabilniki, nasić formu i słuchać himn
Ministr adukacyi Ivaniec u intervju «SB» zajaviŭ, što školniki pavinny buduć pakidać telefony ŭ śpiecyjalna abstalavanych miescach. Pryłady možna budzie vykarystoŭvać tolki dla vučoby.
01.06.2022 / 17:11
Taksama Ivaniec anansavaŭ adkryćcio ŭ kožnaj škole i himnazii muziejaŭ abo muziejnych pakojaŭ. «My nie možam zabyć našu historyju i nie dazvolim jaje interpretavać inšym», — skazaŭ ministr.
Z 2023 hoda mahčymaje ŭviadzieńnie abaviazkovaj školnaj formy, a z nastupnaha navučalnaha hoda — adzinych elemientaŭ školnaha adzieńnia.
Minadukacyi taksama padrychtavała zahad, jaki praduhledžvaje praviadzieńnie ŭračystych liniejek z prasłuchoŭvańniem hinma i padjomam dziaržaŭnaha ściaha. Praduhledžvajecca, što takija liniejki buduć pravodzić na dziaržaŭnyja śviaty, a taksama ŭ pačatku i kancy kožnaj čverci ci źmieny ŭ łahierach.
Zahad budzie raspaŭsiudžvacca na ŭsie ŭstanovy adukacyi (navat daškolnyja), łahiery i studatrady.
37-hadovy Ivaniec zaniaŭ pasadu ministra adukacyi ź lutaha hetaha hoda. Paśla pryznačeńnia jon zajaviŭ, što ličyć hałoŭnymi pytańniami dla siabie na novaj pasadzie pytańni patryjatyzmu i histaryčnaj pamiaci.