«Z tymi, chto stvaryŭ vakoł siabie złačynny aŭtarytarny śviet, nam nie pa darozie». Ukrainski Mikałajeŭ prypyniŭ supracoŭnictva z Brasłavam i Mahilovam

Ukrainski Mikałajeŭ u adnabakovym paradku prypyniaje supracoŭnictva z Mahilovam i Brasłavam, a taksama razryvaje damovu ab pabracimstvie z Mahilovam, zajaviŭ mer Mikałajeva Alaksandr Siankievič.

30.05.2022 / 22:06

«Va ŭmovach, kali Biełaruś nie prosta padtrymlivaje rasijskuju vajnu suprać našaj krainy, ale i daje vojskam RF svaju terytoryju dla nazapašvańnia vajskovaj techniki i abstrełaŭ ukrainskich haradoŭ balistyčnymi i kryłatymi rakietami, nijakaha supracoŭnictva pamiž nami nie moža być.

Z tymi, chto stvaryŭ vakoł siabie złačynny aŭtarytarny śviet, nam nie pa darozie. My zanadta cenim svaju svabodu i ŭžo vosiem hadoŭ płacim za jaje vielmi vysokuju canu», — napisaŭ Siankievič.

Razam z tym kiraŭnik Mikałajeva addzialiŭ biełaruski narod ad kiroŭnaha režymu i vykazaŭ nadzieju, što biełaruski narod z časam atrymaje niezaležnaść.

«Tvoj čas nadydzie, i my pabudujem novyja partniorskija adnosiny», — adznačyŭ Siankievič.

Nashaniva.com