Ukrainski dyler MAZ mianiaje biełaruskija šasi na zachodnija
Adzin z najbujniejšych ukrainskich dyleraŭ hruzavoha brenda MAZ, kampanija «UkrЄvroMAZ», admaŭlajecca ad biełaruskaj pradukcyi, paviedamlaje Vesti.ua sa spasyłkaj na Asacyjacyju aŭtavytvorcaŭ Ukrainy «Ukraŭtapram».
29.05.2022 / 16:59
Ukrainski bienzavoz na bazie MAZ-4371 «Karniet». Fota: autocentre.ua
Kampanija adznačaje, što z momantu stvareńnia TAA «UkrЄvroMAZ» pradpryjemstva pazicyjanavała siabie jak monabrendavuju kampaniju pa prodažy transpartnych srodkaŭ Minskaha aŭtamabilnaha zavoda, a taksama techniki na šasi MAZ ad ukrainskich vytvorcaŭ. Ale ciapier usio źmianiłasia:
«My vierym, što pradukcyja MAZ jašče vierniecca na rynak Ukrainy, a Biełaruś stanie svabodnaj i demakratyčnaj krainaj.
A pakul heta adbudziecca, my prystupajem da novaha etapu raźvićcia kampanii — prodažu techniki ad «UkrЄvroMAZ» na šasi jeŭrapiejskich vytvorcaŭ. Tak, siońnia my atrymali nabytaje šasi Renault D i ŭžo dumajem, jakoje abstalavańnie na jaho ŭstanavić», — prakamientavali rašeńnie ŭ kampanii.