Litva ź niadzieli nie budzie atrymlivać haz, naftu i elektryčnaść z Rasii
Apieratar biržy Nord Pool pryniaŭ pastanovu nie kuplać rasiejskuju elektraenerhiju ŭ adzinaha jaje imparciora ŭ krainach Bałtyi — hrupy Inter RAO.
21.05.2022 / 09:40
Heta značyć, što ź niadzieli ŭ Litvie nie budzie ni rasijskaha hazu, ni nafty, ni elektraenerhii, paviedamlaje Minenerha. «Heta vielmi važny krok nie tolki na šlachu Litvy da enierhietyčnaj niezaležnaści. Heta vykazvańnie našaj salidarnaści z vajuiučaj Ukrainaj, my nie možam dazvolić, kab na našy hrošy finansavałasia rasijskaja vajennaja mašyna», — skazaŭ ministr enierhietyki Dajnius Krejvis.
Patreby Litvy ŭ hazie zabiaśpiečvajucca za košt terminała ZPH u Kłajpiedzie, kudy pastaŭlajuć haz z ZŠA, u elektryčnaści — za košt miascovaj elektryčnaści i impartu z krain ES praź isnujučyja złučeńni sa Šviecyjaj, Łatvijaj i Polščaj, zavod Orlen Lietuva admoviŭsia ad rasijskaha hazu miesiac tamu.