Aficyjna pryznali «ekstremisckimi» knihu «Biełaruskaja nacyjanalnaja ideja» i adnu z knih Anatola Tarasa
Abnaviŭsia śpis «ekstremisckich» materyjałaŭ, jon papoŭniŭsia dźviuma knihami i tryma telehram-kanałami.
19.05.2022 / 21:39
13 maja sud Centralnaha rajona Minska pryznaŭ «ekstremisckaj» knihu «Biełaruś na rasputie» (układalnik i redaktar Anatol Taras).
A 17 maja sud Minskaha rajona prysvoiŭ taki ž status knizie «Biełaruskaja nacyjanalnaja ideja» Źmitra Łukašuka i Maksima Harunova. Prytym pieršyja vierdykty, što jana «ekstremisckaja», adpaviednymi kamisijami vyniesienyja ŭžo bolš za hod tamu, i za zachavańnie dy raspaŭsiud hetaha vydańnia ludzi karalisia. Ale ŭ suda, kab heta aficyjna aformić, ruki dajšli, jak vyhladaje, tolki ciapier. Miž tym za hety čas vyjšła ŭžo i druhoje vydańnie — z novymi intervju.
Taksama pryznanyja «ekstremisckimi» telehram-čaty «Biełarusy va Ukrainie-čat» i «Płan B ČAT», a taksama telehram-kanał «Ekonomika Biełarusi».