Palitźniavolenuju asudzili da dvuch hadoŭ kałonii za videa i kamientary ŭ Tik-Tok
Siońnia ŭ Minskim abłasnym sudzie abjavili čarhovy prysud pa «spravie Zielcera». Palitźniavolenuju Alinu Zabaštanskuju asudzili da dvuch hadoŭ kałonii va ŭmovach ahulnaha režymu. Jaje abvinavacili pa č. 1 art. 130 (raspalvańnie inšaj sacyjalnaj varožaści) i č. 1 art. 368 (abraza Łukašenki) Kryminalnaj kodeksa, piša «Viasna».
18.05.2022 / 18:31
Sud nad palitźniavolenaj raspačaŭsia 14 krasavika 2022 hoda ŭ Minskim abłasnym sudzie. Spravu razhladała suddzia Viktoryja Palaščuk. Što mienavita inkryminavali Alinie — nieviadoma. Pa słovach svajakoŭ, sudzili jaje za videa i kamientary ŭ Tik-Tok.
Alina chvoraja na epilepsiju. Pa spravie pryznačali psichijatryčnuju ekśpiertyzu — pierapynak ciahnuŭsia miesiac. Doma palitźniavolenuju čakaje dačka.