Popyt na arendu kvater u Minsku za adzin miesiac upaŭ na tracinu
U krasaviku značna mienšaja kolkaść karystalnikaŭ cikaviłasia arendaj kvatery ŭ Minsku. Kolkaść internet-zapytaŭ «źniać kvateru ŭ Minsku» pa danych Google Trends za miesiac źniziłasia amal na tracinu.
16.05.2022 / 17:20
Da hetaha, u sakaviku, rehistravaŭsia ŭsplosk cikavaści da zdymnaha žylla. Jon byŭ spravakavany rostam kursu dalara i vychadam na rynak vialikaj kolkaści svabodnych kvater na fonie adjezdu ludziej z krainy, miarkujuć analityki realt.by.
Adnačasova prapanova na rynku arendy kvater u stalicy praciahnuła raści. U paraŭnańni z sakavikom, svabodnych kvater za ŭvieś krasavik stała bolš na 9%.
Na fonie rostu prapanovy i padzieńnia popytu ceny praciahnuli źnižacca. Biahučy ŭzrovień cen na arendu kvater u Minsku na 3-4% nižejšy, čym u siaredzinie viasny minułaha hoda.
Na kaniec miesiaca siarednija staŭki arendy kvater u Minsku vyhladali nastupnym čynam:
- 1-pakajovyja kvatery — $ 259 (źnižeńnie na 1.1%);
- 2-pakajovyja kvatery — $ 322 (źnižeńnie na 0.9%);
- 3-pakajovyja kvatery — $ 405 (źnižeńnie na 1.7%).