Pašynian raskrytykavaŭ ADKB za dziejańni padčas vajny Armienii z Azierbajdžanam
Premjer-ministr Armienii Nikoł Pašynian na samicie ADKB u Maskvie raskrytykavaŭ dziejańni błoka padčas kanfliktu Armienii z Azierbajdžanam u 2020 hodzie.
16.05.2022 / 15:43
Pa słovach Pašyniana, Armienija paprasiła dapamohi ŭ ADKB, ale reakcyi nie było.
Akramia taho, Armienija prasiła nie pradavać zbroju Azierbajdžanu, ź jakim vajavała, ale hetaja prośba taksama była praihnaravanaja z boku sajuźnikaŭ pa ADKB.
Adnak Pašynian padziakavaŭ Rasii za dapamohu ŭ spynieńni bajavych dziejańniaŭ u Karabachu.
Łukašenka taksama raskrytykavaŭ ADKB za adsutnaść adzinstva.
«Pahladzicie, jak manalitna hałasuje i dziejničaje Jeŭrapiejski sajuz, nakolki ŭ ich mocnaja ŭnutrybłokavaja dyscyplina. Jana raspaŭsiudžvajecca aŭtamatyčna navat na tych, chto nie zhodny z rašeńniami, jakija prymajucca. Paŭstaje pytańnie, chto nam pieraškadžaje vykarystoŭvać hety błokavy resurs. Voś tut ź ich nam treba brać prykład. Paasobku nas prosta razdušać i razarvuć», — skazaŭ jon.