Chrenin: U ADKB ustupiać dziasiatki krain
Ministr abarony Biełarusi Viktar Chrenin zajaviŭ, što Arhanizacyja damovy kalektyŭnaj biaśpieki budzie pašyracca, piša Biełta.
15.05.2022 / 17:35
Viktar Chrenin. Fota: Ministerstva abarony Biełarusi.
«My chutka ŭbačym, jak źmienicca miraparadak, ale ADKB prademanstravała svaju bojehatoŭnaść, svaju miralubnaść i ja dumaju, što praź niekalki hadoŭ heta budzie ŭžo nie šeść krain. Heta buduć dziasiatki dziaržaŭ, jakija ceniać mir i stabilnaść, a nie ahresiŭnaść i źmienu palityčnaha ładu inšych dziaržaŭ», — zajaviŭ Chrenin.
Arhanizacyja Dahavora ab kalektyŭnaj biaśpiecy — vajenna-palityčny sajuz, stvorany dziaržavami SND na asnovie Dahavora ab kalektyŭnaj biaśpiecy, padpisanaha 15 maja 1992 hoda. U ADKB uvachodziać Rasija, Biełaruś, Armienija, Kazachstan, Kyrhyzstan i Tadžykistan.
U studzieni 2022 hoda Biełaruś, Rasija, Tadžykistan i Armienija nakiravali svaich vajskoŭcaŭ dla padaŭleńnia pratestaŭ u Kazachstanie.
Adnak paśla ŭvarvańnia Rasii va Ukrainu ŭsie krainy ADKB, akramia Biełarusi, dystancyjavalisia ad Rasii i nie padtrymali jaje padčas hałasavańnia ŭ AAN. U toj ža čas terytoryja Biełarusi vykarystoŭvałasia dla bambardziroŭki Ukrainy, a rasijskija vojski ź Biełarusi sprabavali zachapić Kijeŭ.