Davier rasijan da telebačańnia źniziŭsia. Macniej za ŭsio ŭ tych, što žyvie za miežami bujnych haradoŭ
Za sakavik i krasavik dola rasijan, jakija ličać telebačańnie samaj nadziejnaj krynicaj infarmacyi, źniziłasia, vyśvietlili ŭ GroupM. Źmianieńni ŭ miedyjaspažyvańni zaŭsiody adbyvajucca ŭ kryzisnych situacyjach, adznačajuć ekśpierty.
11.05.2022 / 11:30
Pytańnie było sfarmulavanaje tak: «Kali padzieja aśviatlajecca niekalkimi typami ŚMI pa-roznamu, jakomu ź ich vy b u pieršuju čarhu daviarali?»
U apytańni pryniali ŭdzieł bolš za 1,7 tys. respandentaŭ va ŭzroście ad 18 da 60 hadoŭ u haradach RF z nasielnictvam bolš za 100 tysiač čałaviek.
Jak piša «Kommiersant», kali 17 sakavika 33% respandentaŭ nazyvali mienavita telebačańnie krynicaj infarmacyi, jakoj jany daviarajuć bolš za inšyja, to 27 krasavika tak ličyli ŭžo tolki 23% apytanych.
Macniej za ŭsio davier da telebačańnia źniziŭsia ŭ rasijan, jakija žyvuć za miežami bujnych haradoŭ: 17 sakavika telebačańnie ŭ jakaści pryjarytetnaha ŚMI vybirali 34% hetych respandentaŭ, a 27 krasavika — 24%.
Siarod žycharoŭ Maskvy i Sankt-Pieciarburha dola tych, chto abiraŭ TB, u sakaviku składała 27%, a da kanca krasavika ŭpała da 21%.