СМІ: Каля вострава Змяіны ўкраінцы падбілі расійскі фрэгат
Адэскае выданне «Думская» піша, што каля вострава Змяіны загарэўся расійскі фрэгат «Адмірал Макараў».
06.05.2022 / 13:47
Па папярэдніх звестках, пішуць журналісты, прычынай пажару стала пападанне супрацькарабельнай ракеты «Нептун».
Народны дэпутат Аляксей Ганчарэнка сцвярджае, што гарыць фрэгат «Адмірал Макараў».
«Мы не валодаем такой інфармацыяй», — пракаментаваў сітуацыю прэс-сакратар Крамля Дзмітрый Пяскоў.
13 красавіка ракетамі «Нептун» быў знішчаны флагманскі ракетны крэйсер «Масква».