Ukraina abvinavačvaje Rasiju ŭ kradziažy sotniaŭ tysiač ton zbožža
Namieśnik ministra sielskaj haspadarki Ukrainy Taras Vysocki skazaŭ u teleefiry, što rasijanie, mahčyma, vyvieźli vialikuju častku z paŭtara miljona tonaŭ zbožža, jakoje zachoŭvałasia na akupavanych imi terytoryjach, piša Bi-bi-si.
30.04.2022 / 22:49
Fota ilustracyjnaje
Heta nie pieršaje takoje abvinavačańnie na adras Rasii. U čacvier jaje ŭ kradziažy zbožža abvinavaciła Ministerstva zamiežnych spraŭ Ukrainy.
Akramia taho, ministr sielskaj haspadarki Mikałaj Solski zajaviŭ, što tempy hetaj eksprapryjacyi ŭzraśli za apošnija dva tydni. «Ja asabista čuju pra heta ad mnohich uładalnikaŭ elevataraŭ na akupavanych terytoryjach. Heta nieprychavanaje rabavańnie, i jano adbyvajecca ŭsiudy na akupavanych terytoryjach», — pieradała pres-słužba ministerstva słovy Solskaha.
U toj ža čas u čacvier z rumynskaj Kanstancy vyjšła sudna z 71 tys. tonaŭ ukrainskaj kukuruzy. Heta pieršaja ekspartnaja partyja ŭkrainskaha zbožža paśla pačatku vajny. Rasija zachapiła ŭkrainskija party na Azoŭskim mory i błakuje čarnamorskija party. U hetaj situacyi dapamahčy susiedziam vyrašyli rumyny.