Украіна і Расія абмяняліся палоннымі
З украінскага боку дадому вярнуліся 14 чалавек, паведаміла ў сваім тэлеграм-канале віцэ-прэм'ер-міністр па пытаннях рэінтэграцыі часова акупаваных тэрыторый Ірына Верашчук.
30.04.2022 / 19:10
Ірына Верашчук
«Сёння абмянялі палонных. Вяртаем дадому 14 нашых людзей: 7 вайскоўцаў і 7 цывільных. Для мяне гэты абмен асаблівы: адна з вайскоўцаў-жанчын на пятым месяцы цяжарнасці. Хай Бог беражэ!» — напісала міністарка.
Папярэдні абмен палоннымі прайшоў 21 красавіка, тады ва Украіну вярнуліся 19 чалавек: дзесяць з іх вайскоўцы, а дзевяць — цывільныя. Сярод іх былі параненыя.
Расія традыцыйна інфармацыі аб абменах не падае.