Справу ксяндза Андрэя Кеўліча адправілі на дапрацоўку
27.04.2022 / 16:16
Сёння ў судзе Горацкага раёна пачаўся суд над святаром і дэканам Магілёўскага дэканата Андрэем Кеўлічам. Суддзя Станіслаў Ляшэнка пастанавіў адправіць справу па арт. 19.11 КаАП (распаўсюджванне экстрэмісцкіх матэрыялаў) «на дапрацоўку», паведамляюць праваабаронцы.
Нагадаем, ксяндза затрымалі 18 красавіка адразу пасля імшы ў касцёле ў Горках. Падставай для затрымання стаў рэпост з канала, прызнанага экстрэмісцкім.
На Кеўліча склалі пратакол і потым выпусцілі з мясцовага РАУСа.