Улады прыдумалі, як яшчэ дадаткова зарабіць на мяжы
У пунктах пропуску на беларускай мяжы будзе ўведзеная абавязковая дэзінфекцыя транспарту.
27.04.2022 / 15:20
Дакумент прыняты ў мэтах зніжэння рызыкі ўвозу на тэрыторыю краіны ўзбуджальнікаў небяспечных інфекцый і бактэрый.
Раней у Беларусі ўжо праводзілі эксперымент па абавязковай дэзінфекцыі транспартных сродкаў. З 1 ліпеня 2021 года па 1 сакавіка 2022-га ў пункце пропуску «Новая Гута» гэтай працэдуры падвяргаліся аўтобусы, легкавыя і грузавыя аўтамабілі (з замежнага боку) — усяго больш за 60 тысяч транспартных сродкаў, паведамляе Zerkalo.io.
Дзяржаўная ветэрынарная служба да правядзення дэзінфекцыі адбірала і даследавала пробы, частка з якіх паказала станоўчы вынік на наяўнасць кішэчнай палачкі і залацістага стафілакока. Рабочая група, сабраная па выніках эксперыменту, прыняла рашэнне распаўсюдзіць атрыманы вопыт на ўсе пункты пропуску на межах Беларусі. Гэтае рашэнне зацверджанае ўказам №154.
У якасці арганізацыі, якая будзе аказваць паслугі па абавязковай дэзінфекцыі, прызначанае ТАА «БелГлабалГарант». Аплата будзе праводзіцца шляхам набыцця кантрольнай маркі ў Белдзяржстраху і ААТ «ААБ Беларусбанк» у пунктах пропуску праз дзяржаўную мяжу.