ФСБ: На тэлевядучага Уладзіміра Салаўёва рыхтаваўся замах
ФСБ абвясціла пра затрыманне групы «неанацыстаў», якія рыхтавалі замах на расійскага тэлевядучага Уладзіміра Салаўёва.
25.04.2022 / 14:13
Злачынства нібыта рыхтавалася па замове СБУ. Затрыманыя, паводле звестак ФСБ, належаць да «неанацысцкай тэрарыстычнай арганізацыі «National Socialism/White Power», якая ўнесеная ў спіс тэрарыстычных і забароненая ў Расіі.
Раней пра спыненне дзейнасці «тэрарыстычнай групы, якая планавала напад і забойства аднаго з вядомых расийскіх тэлежурналістаў», расказаў Уладзімір Пуцін.
Для ліквідацыі Салаўёва «неанацысты» збіраліся выкарыстоўваць 8 самаробных «кактэйляў Молатава», 6 пісталетаў ПМ, абрэз паляўнічай стрэльбы, гранату РГД-5, больш за 1 тысячу патронаў.