Jak vyhladajuć kvatery ŭ centry Minska, jakija kaštujuć amal čatyry tysiačy za kvadrat FOTY
U adnym z damoŭ kvartała Depo, jaki budujuć kala płoščy Pieramohi, kvatery buduć pradavać z azdableńniem White Box — heta značyć ścieny tam buduć padrychtavanyja dla naniasieńnia lubych dekaratyŭnych pakryćciaŭ: zastaniecca tolki skončyć azdableńnie pa svaim dyzajnie i pastavić meblu, techniku i dekor, paviedamlaje Citydog.by.
22.04.2022 / 13:51
U domie 21 takaja kvatera roznych pamieraŭ — ad apartamientaŭ ź dźviuma spalniami na 88,6 «kvadrata» da 222-mietrovych pientchaŭsaŭ. Unutry — vysokija stoli ad 3,05 mietra, panaramnyja vokny, u kožnaj kvatery raźviedzieny freonapravod dla kandycyjaniera. Kuchni abjadnanyja z haścinymi, a ŭ majstar-spalniach jość harderobnyja i ŭłasnyja vannyja. Pradumanyja taksama śpiecyjalnyja pakoi dla zachoŭvańnia i myćcia bializny.
White Box plus
U susiednich damach kvatery buduć pradavać u farmacie White Box plus. Tut užo stol budzie padšytaja hipsakardonam i jak ścieny hatovaja pad finišnaje pakryćcio. A jašče buduć dyzajnierskaja zašyŭka ścien, aŭtarskaja razvodka elektryki, sistemy kandycyjanavańnia z ustanoŭkaj abstalavańnia Mitsubishi i ŭstanoŭka sistemy vientylacyi.
Budzie i mahčymaść kupić kvateru tolki ź inžyniernym pakietam: elektrykaj, sistemami vientylacyi i kandycyjanavańnia, vyvadam ubudavanych santechničnych kamunikacyj.
A kolki kaštuje?
Zabudoŭščyk užo adkryŭ prodažy abodvuch varyjantaŭ kvater. Košty — ad 3880$ za «kvadrat».