Кіраўнік Мінздароўя назваў тры ўмовы для вызвалення затрыманых дактароў
Міністр аховы здароўя Дзмітрый Піневіч пасля нарады ў Лукашэнкі заявіў, што ў яго як міністра ёсць права звярнуцца да кіраўніка краіны і папрасіць змяніць меру стрымання затрыманым дактарам.
18.04.2022 / 16:11
— Пасля просьбы маёй Лукашэнкам было дадзена даручэнне і я з кожным спецыялістам пагутарыў: ёсць некалькі ўмоў, каб мая просьба была разгледжаная станоўча.
Як заявіў кіраўнік Міністэрства аховы здароўя, каб выйсці на свабоду затрыманым медыкам неабходна прызнаць віну, пакрыць шкоду ў кратным памеры і адправіцца працаваць туды, куды вызначыць міністр, гэта значыць ён сам.