У Віцебску затрымалі трох вядучых дактароў
У Віцебску затрымалі трох вядучых урачоў-траўматолагаў. Двое з іх — кіраўнікі аддзяленняў. Па інфармацыі «Зеркало», 26 сакавіка ў кабінетах медыкаў прайшлі ператрусы. Факт затрымання пацвердзілі дзве не звязаныя паміж сабой крыніцы са сферы аховы здароўя Віцебшчыны.
28.03.2022 / 15:24
Паводле «Зеркала», затрыманыя супрацоўнік ВДМУ і галоўны пазаштатны траўматолаг-артапед Віцебскай вобласці Канстанцін Балабошка, загадчык траўматалагічнага аддзялення Віцебскай абласной клінічнай бальніцы Андрэй Крылоў і загадчык траўматалагічнага аддзялення БХМД у Віцебску Аляксандр Царкоўскі.
На месцах працы двух апошніх паведамілі, што сёння іх няма.
Дакладная прычына затрымання дактароў на гэты момант невядомая.