Фінляндыя спыніла чыгуначнае грузавое злучэнне з Расіяй
Фінляндыя прыпыніла грузавыя перавозкі ў Расію. VR Transpoint (структура фінскага чыгуначнага аператара VR Group) спыніла рух грузавых вагонаў з РФ.
27.03.2022 / 21:45
Вяртанне вагонаў з Фінляндыі ў Расію пакуль працягнецца. Па словах старэйшага віцэ-прэзідэнта VR Transpoint Марці Коскінена, працяг грузавых перавозак немагчымы з-за санкцый, накладзеных на расійскую чыгунку. «VR Group абавязаная выконваць санкцыі, уведзеныя заходнімі краінамі», — заявіў ён.
Раней стала вядома, што рух цягнікоў «Алегра», якія злучаюць Хельсінкі і Санкт-Пецярбург, з 28 сакавіка будзе спынены на нявызначаны тэрмін. VR Group 1 сакавіка заявіў аб спыненні супрацоўніцтва з расійскай чыгункай.