U Haradku drevam zabiła žančynu, u Minsku ad vietru taksama padali drevy, sarvała blachu
U Haradku dreva ŭpała na dźviuch žančyn, adna ź ich ad traŭmaŭ zahinuła, paviedamlaje MNS. U Minsku padraździaleńni ratavalnikaŭ taksama vyjazdžali na likvidacyju nastupstvaŭ mocnaha vietru.
26.03.2022 / 20:21
Siońnia ratavalniki Haradockaha rajona atrymali paviedamleńnie ab dźviuch paciarpiełych žančynach na vulicy Starapołackaj u horadzie Haradok.
«Na ziamli lažali dźvie žančyny, adna ź ich była zabłakavanaja halinami dreva, jakoje ŭpała pobač, — raspavioŭ načalnik dziažurnaj źmieny Dźmitryj Mukamoł. — My vyzvalili žančynu, ale krychu paźniej miedyki kanstatavali jaje śmierć. Druhaja žančyna, dačka zahinułaj, była ŭ prytomnaści, ale adčuvała vostry bol u nazie. Jaje špitalizavali».
Taksama padraździaleńni Minskaha haradskoha ŭpraŭleńnia MNS siońnia vyjazdžali na likvidacyju nastupstvaŭ niepahadzi — na demantaž listoŭ blachi, na raśpiłoŭku pavalenych dreŭ, demantaž paškodžanych mietaličnych elemientaŭ biłbordaŭ.
Paryvy vietru dasiahali ŭ stalicy 22 m/s. U niadzielu taksama zachavajecca vietranaje nadvorje.
A na Hrodzienščynie siońnia była redkaja źjava — piasčanaja bura.