Еўрасаюз: Плаціць за расійскі газ у рублях не будзем
Старшыня Еўракамісіі Урсула фон дэр Ляен назвала гэты крок спробай абысці санкцыі ЕС.
25.03.2022 / 09:49
«Мы не дазволім [гэтага]. Час, калі нас можна было шантажаваць з дапамогай энерганосьбітаў, прайшоў», — сказала яна.
Прэм'ер-міністры Германіі і Італіі заявілі, што перавод аплаты за газ у рублі стане парушэннем раней заключаных кантрактаў, паколькі ў іх прапісаная валюта плацяжу. «Ніхто не будзе плаціць у рублях», — сказаў прэм'ер-міністр Славеніі Янез Янша.
У сераду Уладзімір Пуцін заявіў, што ў найбліжэйшы час Расія пяройдзе на аплату паставак газу ў Еўропу за рублі.