Bloomberg: Anatol Čubajs zjechaŭ z Rasii
Anatol Čubajs syšoŭ z pasady śpiecyjalnaha pradstaŭnika prezidenta Rasii pa pytańniach ustojlivaha raźvićcia i źjechaŭ z krainy, paviedamlaje Bloomberg sa spasyłkaj na dźvie abaznanyja krynicy.
23.03.2022 / 15:08
Pavodle Bloomberg, Čubajs syšoŭ z pasady i źjechaŭ praz vajnu va Ukrainie.
66-hadovy Čubajs źjaŭlajecca adnym ź niamnohich ekanamičnych refarmataraŭ 1990-ch hadoŭ, jakija zastalisia va ŭradzie Pucina i padtrymlivali ciesnyja suviazi z zachodnimi čynoŭnikami. Pres-sakratar Kramla Dźmitryj Piaskoŭ nie adkazaŭ na prośbu Bloomberg ab kamientaryi.
«Nie mahu skazać, nie ŭ kursie», — paviedamiŭ RBK Ihar Čubajs (brat Anatola Čubajsa) u adkaz na pytańnie ab adstaŭcy i adjeździe z Rasii Anatola Čubajsa.
Paśla vajny rasijski ŭrad uzmacniŭ cisk na ŭnutranych krytykaŭ uvarvańnia. 16 sakavika Pucin papiaredziŭ, što ačyścić Rasiju ad «padonkaŭ i zdradnikaŭ», jakich jon abvinavačvaje ŭ tajemnaj pracy na ZŠA i ich sajuźnikaŭ. Rasijski lidar abvinavaciŭ Zachad u žadańni źniščyć Rasiju.