У расійскіх аптэках узнік недахоп папулярных лекаў ад прастуды для дзяцей
У Маскве ў аптэках і на буйных аптэчных маркетплейсах значна знізілася прапанова імпартных дзіцячых гарачкапаніжальных і абязбольвальных у выглядзе сіропаў.
23.03.2022 / 11:12
Гаворка пра прэпарат «Эфералган» французскай Upsa, «Панадол» брытанскай Glaxosmithkline і «Нурафен для дзяцей» брытанскай Reckitt Benckiser. У рознічных продажах сярод імпартных прэпаратаў з парацэтамолам і ібупрафенам яны займалі 98% рынку, піша РБК.
Напрыклад, «Нурафен для дзяцей» 22 сакавіка быў толькі ў 174 з 9710 аптэк у Маскве і Маскоўскай вобласці, «Эфералган для дзяцей» — у 290 аптэках, «Панадол дзіцячы» — у 36.
Аднак апытаныя РБК дактары не ўбачылі сур'ёзнай праблемы ў перабоях з пастаўкамі на рынак імпартнага парацэтамолу ў форме суспензій. Педыятры імкнуцца выкарыстоўваць арыгінальныя прэпараты парацэтамолу і ібупрафену, аднак на расійскім рынку хапае джэнерыкаў.
Раней паведамлялася, што ў Расіі ёсць дэфіцыт больш чым 80 прэпаратаў.