«Biełavija» admianiaje rejsy ŭ Tel-Aviŭ i Krasnadar. U kampanii rastłumačyli, u čym pryčyna
Paśla zakryćcia častki pavietranaj prastory Rasii dla palotaŭ hramadzianskaj avijacyi «Biełavija» źmianiła raskład rejsaŭ na bližejšyja dni, paviedamlaje pres-słužba kampanii.
11.03.2022 / 16:11
Fota: Reuters
Admianiajucca rejsy Minsk — Tel-Aviŭ — Minsk, zapłanavanyja na 13, 17 i 20 sakavika. Taksama «Biełavija» admianiła rejsy z Minska ŭ Krasnadar i nazad na 13, 16 i 20 sakavika, paviedamlaje Zerkalo.
Ab dalejšych rejsach u hetyja harady avijakampanija paviedamić paźniej.
Źmienicca raskład rejsaŭ z Minska ŭ Stambuł, Tbilisi, Batumi, Kutaisi, Jerevan, Baku, Ałmaty, Sočy i Dubaj. A voś pieraloty ŭ Maskvu, Sankt-Pieciarburh, Taškient i Nur-Sułtan buduć prachodzić pa zvyčajnym raskładzie.