Nacbank Ukrainy inicyjavaŭ spynieńnie pastaŭki najaŭnaj valuty ŭ banki Rasii i Biełarusi
28.02.2022 / 18:12
Nacbank Ukrainy. Fota: flickr.com
«Nacyjanalny bank Ukrainy źviarnuŭsia da kiraŭnikoŭ jeŭrapiejskich centralnych bankaŭ, jakija pastaŭlajuć najaŭnuju valutu, hrupy pasłoŭ G7 i pradstaŭnikoŭ mižnarodnaj sistemy chutkich hrašovych pieravodaŭ Western Union z prośbaj spynić pastaŭki ŭ rasijskija i biełaruskija banki najaŭnaj zamiežnaj valuty», — havorycca ŭ zajavie hałoŭnaj finansavaj ustanovy Ukrainy.
Taki zvarot, tłumačyć rehulatar, abumoŭleny nieabchodnaściu pryniać miery ŭ suviazi ź dziejańniem vajennaha stanovišča va Ukrainie. U NBU adznačajuć, što prymajuć usie mahčymyja miery, kab zabiaśpiečyć stabilnaje funkcyjanavańnie finansavaj sistemy i procidziejničać ahresii Rasii ŭ finansavaj śfiery.