Нацбанк Украіны ініцыяваў спыненне пастаўкі наяўнай валюты ў банкі Расіі і Беларусі
28.02.2022 / 18:12
Нацбанк Украіны. Фота: flickr.com
«Нацыянальны банк Украіны звярнуўся да кіраўнікоў еўрапейскіх цэнтральных банкаў, якія пастаўляюць наяўную валюту, групы паслоў G7 і прадстаўнікоў міжнароднай сістэмы хуткіх грашовых пераводаў Western Union з просьбай спыніць пастаўкі ў расійскія і беларускія банкі наяўнай замежнай валюты», — гаворыцца ў заяве галоўнай фінансавай установы Украіны.
Такі зварот, тлумачыць рэгулятар, абумоўлены неабходнасцю прыняць меры ў сувязі з дзеяннем ваеннага становішча ва Украіне. У НБУ адзначаюць, што прымаюць усе магчымыя меры, каб забяспечыць стабільнае функцыянаванне фінансавай сістэмы і процідзейнічаць агрэсіі Расіі ў фінансавай сферы.