Dziarždep prypyniŭ pracu ambasady ZŠA ŭ Biełarusi
Praca amierykanskich dypłamataŭ u Biełarusi prypynienaja. Pra heta havorycca ŭ paviedamleńni na sajcie Dziarždepa ZŠA.
28.02.2022 / 16:36
«Dziaržaŭny departamient ZŠA prypyniŭ pracu ambasady ŭ Biełarusi», — havorycca ŭ paviedamleńni. Taksama źniešniepalityčnaje viedamstva dazvoliła vyjechać častcy supracoŭnikam ambasady ZŠA ŭ Rasii. Heta tyčycca tych, chto nie pracuje «ŭ nadzvyčajnaj situacyi» i členaŭ ich siemjaŭ.
Dziarždep rastłumačyŭ, što hetyja kroki zroblenyja praz prablemy z biaśpiekaj, źviazanyja z «niespravakavanym i nieapraŭdanym napadam rasijskich uzbrojenych sił na Ukrainu».
26 lutaha Dziarždep rekamiendavaŭ hramadzianam ZŠA nieadkładna pakinuć Biełaruś.