Prafiesarku Natallu Abrašynu-Žadajevu, jakaja zapisała zvarot u abaronu kalehi, zvolnili z BDU
Prafiesarka kafiedry vyšejšaj matematyki BDU Natalla Abrašyna-Žadajeva paviedamiła ŭ Fejsbuku, što jaje zvolnili z pracy. Heta za toje, što ŭ studzieni jana apublikavała videa ŭ padtrymku zvolnienaha dacenta Maksima Šundałava.
21.02.2022 / 19:05
Spačatku prafiesarcy pryjšli na kartku hrošy na raźlik, a paśla patelefanavali z addzieła kadraŭ i prapanavali zajści zabrać pracoŭnuju knižku.
Natalla Abrašyna-Žadajeva pa vynikach hetych navin napisała:
«Ź siońniašniaha dnia ja były prafiesar kafiedry vyšejšaj matematyki i matematyčnaj fiziki Biełdziaržuniviersiteta, jaki prapracavaŭ u BDU na fizičnym fakultecie 40 hadoŭ, va ŭniviersitecie 45 hadoŭ, a pryjšła ja ŭ Chram navuki i ŭvohule adukacyju ŭ 1967 hodzie. Takim čynam, 55 hadoŭ majoj historyi ŭ BDU, 100 hadoŭ BDU i 55 sa mnoj. I siońnia stała zrazumieła, što my majem u BDU, na žal u «suchoj rešcie».