У Пекіне афіцыйна закрылі Алімпійскія гульні ФОТЫ
Прэзідэнт Міжнароднага алімпійскага камітэта (МАК) Томас Бах абвясціў пра закрыццё XXIV зімовых Алімпійскіх гульняў у Пекіне.
20.02.2022 / 17:22
Агонь Алімпіяды быў патушаны падчас цырымоніі закрыцця Гульняў. Факел быў замацаваны ў цэнтры сняжынкі, на частках якой пазначаны ўсе краіны — ўдзельніцы спаборніцтваў.
Падчас цырымоніі адбудуцца парад спартсменаў і перадача алімпійскага флага гаспадарам наступных зімовых гульняў. Яны адбудуцца ў 2026 годзе ў італьянскіх Мілане і Карціна-д'Ампеца.
Беларусь заваявала на Алімпіядзе-2022 два медалі: гэта срэбра Ганны Гуськовай ў фрыстайле і Антона Смольскага ў біятлоне.