МЗС Расіі пракаментавала інфармацыю пра эвакуацыю сваіх дыпламатаў
Афіцыйная прадстаўніца МЗС Марыя Захарава заявіла, што «амерыканскія і брытанскія калегі, відаць, ведаюць пра нейкія сілавыя акцыі, што рыхтуюцца ва Украіне». Нагадаем, што інфармацыя пра тое, што расійскія дыпламаты пачалі выязджаць з Украіны, з'явілася ў расійскім «РИА Новости».
12.02.2022 / 13:14
Фота: apa.az
«Як вы памятаеце, чуткі пра нібыта ажыццёўленую «эвакуацыю» расійскіх дыпламатаў з'явіліся ў шэрагу заходніх выданняў, у прыватнасці, у The New York Times, амаль месяц таму падчас праваслаўных калядных канікулаў, калі некалькі дзяцей расійскіх дыпламатаў ва Украіне паехалі наведваць сваіх бабуляў і дзядуляў, — адказала Марыя Захарава. — Як мы цяпер разумеем, мэтай гэтых «укідаў» было стварэнне інфармацыйнага прыкрыцця для пачатку эвакуацыі ЗША, Вялікабрытаніяй, Аўстраліяй, Канадай і іншымі краінамі дыпламатаў і іх сем'яў са сваіх пасольстваў на Украіне. Учора аб эвакуацыі аб'явіў Ізраіль.
Улічваючы той значны ўплыў, які Вашынгтон і Лондан маюць на Кіеў, і ў цэлым іх роля ў кіраванні працэсамі на Украіне — чаго вартая адна толькі накачка «незалежнай» узбраеннямі і інструктарамі — мы робім выснову, што нашы амерыканскія і брытанскія калегі, мабыць, ведаюць пра нейкія сілавыя акцыі, якія рыхтуюцца на Украіне, здольныя істотна ўскладніць сітуацыю ў сферы бяспекі.
У гэтай сітуацыі, баючыся магчымых правакацый кіеўскага рэжыму або трэціх краін, мы сапраўды прынялі рашэнне аб некаторай аптымізацыі штатаў расійскіх замежных устаноў на Украіне. Звяртаем увагу на тое, што нашы пасольства і консульствы працягнуць выкананне сваіх асноўных функцый».