Alesiu Kapuckamu znoŭ dali 15 sutak. Razam užo 60
Palitźniavolenaha pravaabaroncu Alesia Kapuckaha čaćviorty raz zapar aryštavali na 15 sutak, paviedamlaje «Viasna».
02.02.2022 / 19:40
Maładziečanskaha pravaabaroncu Alesia Kapuckaha pieršy raz zatrymali 17 śniežnia ŭ Maładziečna. Z taho času jon sudzicca ŭžo čaćviorty raz.
Siońnia sud u Maładziečna pakaraŭ pravaabaroncu 15-sutačnym aryštam. Ciapier na jaho znoŭ skłali pratakoł pa č. 2 art. 19.11 KaAP (raspaŭsiudžvańnie ekstremisckich materyjałaŭ), ale ŭžo za zachoŭvańnie «ekstremisckich» materyjałaŭ z metaj raspaŭsiudžvańnia.
Ahułam Aleś budzie ŭtrymlivacca za kratami 60 sutak.
Pa słovach advakata, Kapucki trymajecca dobra. Siońnia jamu navat vydali listy papiery i ručku. Ale pieradačy da hetaha času nie pieradajuć.